Nan okazyon komemorasyon premye lane asasina ansyen Prezidan Jovenel Moïse nan dat 7 Jiyè 2022 a, yon gwo mès te chante nan legliz katolik Troudinò a. Se Reveran Pè Philibert Edlyn kite selebran prensipal mès sila an prezans plizyè pèsonalite politik, pami yo: Ansyen PM Claude Joseph, Ansyen senatè Rodolphe Joazile, Senatè Walnique Pierre ,ansyen Depite Jovenel Louis, prezidan asosyasyon majistra yo nan Nòdès(AMANE) Luma Demetrius, majistra Ocelite Destiné poun site sila yo sèlman...
Nan diskou sikonstans li, Pè Phillibert Edlyn mande pou gen lapè e swete pou ansyen Prezidan Jovenel Moïse jwenn jistis. Mesye Claude Joseph ansyen PM e ki te chèf CSPN nan moman asasina Jovenel Moïse lan fè konnen si se pa gwo batay li te mennen ministè edikasyon nasyonal tap òganize egazmen ofisyèl pou elèv NS4 yo (Filo) nan menm dat premye ane komemorasyon asasina ansyen prezidan an.
Li kontinye pou l di se te yon manèv aprè yo fin tiye prezidan Jovenel pou tiye rèv li yo tou. Se pou rezon sa anpil chantye ke prezidan Jovenel te kòmanse rive kanpe tankou: kanal sou rivyè Masak, santral elektrik nan kafou ak Sent Filomèn, wout kafou jòf-Podepè a pou site sila yo sèlman. Bò kote pa l Sénateur Wanique Pierre deklare lap kontinye goumen jiskaske prezidan Jovenel jwenn jistis li. E li promèt popilasyon an ke rèv président Jovenel yo pap mouri.
Nap raple gen plizyè lot aktivite ki te fèt atravè tout peyi a pou make jounen sila. Nan kapital peyi a te gen kèk patizan ak senpatizan ki te pran lari pou reklame jistis pou "JoMo". Pandan tan sa fanmiy prezidansyèl la nan tèt kole ak Mèri Kap-Ayisyen te rive òganize yo mès nan omaj prezidan an nan Jaden fanmiy lan. Pou wanament, kèk patizan ak senpatizan te eseye pran lari tou pou mande jistis pou prezidan an avèk foto Martine Moïse. Yon jès ke anpil sitwayen nan zòn lan kritike. E daprè premye eleman enfòmasyon yo, mach sa pat fè gwo resèt malgre anpil mobilizasyon kite fèt nan sans sa.
Jameson Genard,
Jounalis/Repòtè.
Aucun commentaire:
Enregistrer un commentaire