Ayiti/Agrikilti: Nan tèt kole ak Agro Aksyon Almand (WHH),Ministè agrikilti lanse projè "Agriculture et Dévelopment rural basés sur les communautés" nan plèn Womaribawou.

Ayè Vandredi 15 jiyè 2022 a se te lansman projè " Agriculture et Dévelopment rural basés sur les communautés" nan Womaribawou (seksyon kominal wanament). Pwojè sa rive fèt nan lide pou gen travay amelyorasyon ki fèt sou perimèt baraj rivyè Djasa a nan womaribarou pou rive irige 400 ekta tè. Prensipal benefisyè pwojè sa se AIHM (Asosyasyon irigan Womaribawo). Projè a kap egzekite pa Agro Aksyon Almand genyen kòm enjenyè en chèf Sergo Chavanne Joseph. Daprè sa enjenyè a fè konnen, aprovizyònman materyo tankou: sab, gravye ak ròch ap kòmanse fèt apati de lendi 17 ak madi 18 jiyè 2022 a. 

Lansman sa kite deroule an prezans direktè depatmantal Agrikilti Nòdès la, Silvain Sama, deklare pou travay la byen fèt fòk angaje teknisyen ak ouvriye ki kalifye pou sa. Li te tou pwofite mande pou fòme yon komite ak yon protokòl dakò pou pèyizan yo kapab travay nan projè a. Premye konpozant pwojè sa se kòmanse prepare rout ki mennen nan baraj rivyè Djasa a nan lide pou pèmèt  materyèl tankou : traktè, motokiltè ak Mwasonez antre koupe diri pèyizan yo. 

Anote ke diskisyon yo te deroule nan biwo asosiyasyon irigan womaribarou(AIHM) an prezans direktè ;Sylvain Sama, direktè BAC wanament lan ,Erns Joseph, Kazek Thelusmond Jean-Baptiste, chèf projè a Agronòm Martyas, direktè WHH la Aide Appolon, prezidan AIHM nan Adley AUGUSTIN epi Ing Sergo Charvanne Joseph.

Dieusel Pierre: Jounalis/Korespondan