Wanament/Edikasyon: 26 moun kap travay nan edikasyon nan nòdès benefisye 2 jounen fòmasyon sou pedagoji didaktik ak andragoji.

 

Mèt Jacques Tamou Antoine reyalize 2 jounen fòmasyon nan Kòlèj Vizyon Nouvèl nan Wanament pou pwofesè, direktè ak sansè lekòl nan kominote a soti premye pou  rive 2 septanm 2022 a. 

Nan premye jounen fòmasyon an sèlman 26 moun te reponn prezan. Mèt Tamou pa pale desepsyon menm si li te espere resevwa plis patisipan nan sesyon fòmasyon sa a ki genyen pou objektif pèmèt kou yo avèk jesyon klas yo fèt pi byen nan depatman nòdès la.

Nan dezyèmm jounen fòmasyon an, mèt Tamou fè konnen li pral abòde 4 gran kouran modèl pedagoji ki pale de aprantisaj ki makonnen ak konpetans avèk patisipan yo.

Mèt Tamou ki t’ap anime sesyon fòmasyon sa a deklare nan premye jounen an li te wè pedagoji didakik ak andragoji ak patisipan yo yon fason pou ede yo byen metrize metòd pou atire atansyon elèv yo pi byen pandan yo nan klas. Aktivite sa ap ede anseyan yo egzèse fonksyon yo pi byen.

Daprè mèt la, patisipan yo pap regrèt tan yo bay pou yo resevwa sesyon fòmasyon 2 jou sila paske yap rive aprann anpil bagay ki kapab konplete konesans yo.