Wanament/Konfli tèryen: Doktè Claude Joazard mete kadna nan pòt batiman kote ADH gen yon moulen diri ki gen plis pase 10 zan depi li pa fonksyone.

 

Dimanch 19 jwen pase a, Doktè Claude Joazard mete kadna nan pòt batiman kote ADH gen yon moulen diri kigen plis pase 10 zan depi li pa fonksyone.

Daprè sa kèk manb nan komite òganizasyon asosiyasyon pou devlòpman womaribarou (ADH) fè konnen se Edner Joazard kite bayo espas la kòm don pou yo te kapab benefisye moulen an plan parenaj te bayo, jounen jodia claude Joazard ta fè yo kwè se Edner Joazard ki revann li espas kòm fanmiy li.

Selon prezidan ADH la Charlessaint Sibert, genyen plizyè ane depi Edner Joazard tap fè tantativ  pou li te rekipere tèren sa li te fin bay kominote dilè a pou yo te benefisye  moulen an. Dosye a te menm rive nan pakè, aprè komisè Luckner te fin gade papye notè ke Edner Joazard te ba yo, komisè Luckner te voye 2 pati yo dozado.

Anote ke pou konnya claude ap kosète ak komite a pou yo remèt Edner Joazard tèren sa ke li te li bay yo kòm don kominotè.

Otè: Pierre Dieuseul,Jounalis